Hussaini sabr ka makhsoos ye faizaan hai sabir
K tum pe sabr-o-isteqlaal ka meezan hai sabir
Mehak aati hai jisse humko gulhay-e-aqeedat ki
Tumhare aastane per bhi wo guldaan hai sabir
Ujala aapka sabir nahi hai sirf kaliyar me
Ziya se aapki raushan ye hindustaan hai sabir
Tumhari manqabat likhker hua maloom ye mujhko
Tumhare naam lewa ka bada samman hai sabir
Jise bhi maarfat ki bheek lena ho chala aaye
Wilayat k khazane se bada dhanwaan hai sabir
Rah-e-haq me fana hokar hayaat-e-jawida pao
Zamane k liye ye aapka ailaan hai sabir
Shabeeh-e-ghause aazam aur jamal-e-sarwar-e-aalam
Khuday-e-lam yazal ki bilyaqi pehchaan hai sabir
Tumhara naam jis din se bana wird-e-zuba mera
Usi din se har ik mushkil meri aasan hai sabir
Tumhari bazm me yu to hazaro aaye hai lekin
'Hilal-e-Eid' bhi is bazm ka mehmaan hai sabir
No comments:
Post a Comment